«Զանգեզուրի պղնձամոլիբդենային կոմբինատը» դատական հայց է ներկայացրել «Լիդիան Արմենիա» ընկերության դեմ: Այս մասին լրագրողների հետ զրույցում ասաց կոմբինատի գլխավոր տնօրեն Մհեր Պոլոսկովն՝ անդրադառնալով շրջանառվող այն տեղեկություններին, թե Ամուլսարի դեմ իրականացվող արշավի հետեւում կանգնած է «Զանգեզուրի պղնձամոլիբդենային կոմբինատը»:
«Մենք ունենք դատական հայց «Լիդիան Արմենիայի» դեմ եւ համոզված ենք, որ կկարողանանք ապացուցել՝ մենք նմանատիպ գործառույթների հետ կապ չունենք։ Ամենայն լրջությամբ եմ ասում՝ կյանքում թույլ չէինք տա նման ակտիվ գործունեություն կատարել մեր կոլեգաների դեմ, անկախ նրանից՝ նրանց մենեջմենթը սիրում ենք, թե՝ ոչ։ Նրանից հետո, երբ մեր մասին նեգատիվ ինֆորմացիա են տարածում, դժվար կլինի հաստատել, որ մեծ սեր ունենք»,-ասաց կոմբինատի գլխավոր տնօրենը:
Լուսինե ԲՈՒԴԱՂՅԱՆ