Վարդենյաց լեռնանցքը փակ է բոլոր տեսակի ավտոմեքենաների, Ստեփանծմինդա-Լարս ավտոճանապարհը՝ բեռնատարների համար

Արտակարգ իրավիճակների նախարարությունը տեղեկացնում է, որ փետրվարի 25-ի ժամը 10:00-ի դրությամբ ՀՀ տարածքում կան փակ ավտոճանապարհներ:

Արագածոտնի մարզի Ամբերդ ամրոց և Քարի լիճ տանող ավտոճանապարհները դեռ անորոշ ժամանակ փակ կլինեն:

Վարդենյաց լեռնանցքը փակ է (բուք է) բոլոր տեսակի ավտոմեքենաների համար:

Շիրակի մարզում, Վայոց ձորի մարզի Ջերմուկ, Լոռու մարզի Վանաձոր քաղաքներում և Սարավան-«Զանգեր» կոչվող հատվածում առկա են տեղումներ ձյան տեսքով:

Կարդացեք նաև

Սաստիկ բքի և թույլ տեսանելիության պատճառով Մեղրիի լեռնանցքը փակ է կցորդով տրանսպորտային միջոցների համար

• 10:02 25.12.2023

Գերբեռնված բեռնատարների երթևեկը թույլատրելու համար կաշառք ստանալու և այլ չարաշահումների մեջ մեղադրվող 11 անձանց վերաբերյալ նախաքննությունն ավարտվել է

• 13:04 03.11.2023

Երևանի նշված հատվածներում կարգելվի 1.5 տ առավելագույն բեռնվածությամբ բեռնատարների մուտքը

• 13:45 20.10.2023

Շիրակի մարզի Գյումրի քաղաքում և Աշոցք գյուղում բուք է:

Լանջիկ-Մաստարա ավտոճանապարհին տեղ-տեղ առկա է մերկասառույց:

Փետրվարի 25-ի ամբողջ օրը հյուսիսային շրջաններում` հատկապես լեռնային առանձին գոտիներում, սպասվում է բուք, և տեղումներ՝ ձյան և ձնախառն անձրևի տեսքով:

Լարսի մասին

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բեռնատարների համար փակ է, իսկ այլ տեսակի տրանսպորտային միջոցների համար՝ բաց:

ՌԴ ԱԻՆ Հյուսիսային Օսիայի Հանրապետության գլխավոր վարչությունից ստացված տեղեկատվության համաձայն ռուսական կողմում կա կուտակված 483 բեռնատար ավտոմեքենա:

Վարորդներին խորհուրդ է տրվում երթևեկել բացառապես ձմեռային անվադողերով։

ԱԻՆ տեղեկատվության և հասարակայնության հետ կապերի վարչություն