«Ազգային վերածնունդ» կուսակցության հայտարարությունն Արցախի 2020թ. համապետական ընտրությունների վերաբերյալ
2020թ. համապետական ընտրություններն ընթացել են ընտրողների ազատ կամարտահայտման համընդհանուր խախտմամբ: Կուսակցության և դիտորդական առաքելությունների դիտարկումները ցույց են տալիս, որ ընտրողների կամքի վրա եղել է ընտրական օրենսդրությամբ արգելված գործունեություն: Այս ամենը էական ազդեցություն է ունեցել ընտրությունների արդյունքի վրա, հետևաբար ձևավորվող իշխանությունը չենք կարող լեգիտիմ համարել:
«Ազգային վերածնունդ» կուսակցությունը չի կարողացել հաղթահարել Ազգային ժողով մտնելու շեմը և ներկայացված չի լինի խորհրդարանում: Մենք շնորհակալություն ենք հայտնում կուսակցությանն աջակցած բոլոր քաղաքացիներին: Կուսակցությունը կշարունակի իր գործունեությունը որպես արտախորհրդարանական քաղաքական ուժ: Կուսակցությունը բացառում է որևէ համագործակցություն համակարգային կոռուպցիա ստեղծած Արայիկ Հարությունյանի և նրա գլխավորած «Ազատ Հայրենիք» կուսակցության հետ:
Մեր գլխավոր նպատակը մնում է արցախյան հասարակության ուժեղացումը, ինչին էլ ուղղված կլինի կուսակցության գործունեությունն առաջիկա տարիներին: Կշարունակի գործել «Ազգային վերածնունդ» կուսակցության գլխավոր գրասենյակը, կտպագրվի «Վերածնունդ» պաշտոնաթերթը, առաջիկայում կուսակցությունը հանդես կգա տարբեր նախաձեռնություններով:
Կարդացեք նաև
«ԱԶԳԱՅԻՆ ՎԵՐԱԾՆՈՒՆԴ» ԿՈՒՍԱԿՑՈՒԹՅՈՒՆ
https://www.facebook.com/azgayin.veratsnund/posts/3227694977250445?__xts__[0]=68.ARBtvnO3QqKcy3khK95nrBWFKwN73uCS3IkBEMwI0kHS8pmSZ5g02_LXDGNot-jm-_BQxAj3x5f3OqCXxGJbiU4aNVRqVwjqKO4fX8qEGsLynRJ2wwtdKaZgod7HEk0F5vh5yekZ9K6Lb59wo4msncbfNs2dxg2f6_6hJzCbEdw6G_loPojt6S4BnlUe-WihBzGGcv7OHRBTPu902z9Sx_2OWOc6J-LLsjfmhPAjaxGwST9X7blb6EefaO4tzUcfK8MXY-7cpQ-Zrko7QlRKULC0BbQGybZbi_hJ4Bhrg31WDP2PvE4I9BUZcNEpjjhmLiobJYoTXt3SRc3T1uWK1w&__tn__=-R
