ԱԺ պետաիրավական հարցերի հանձնաժողովի նիստում այսօր քննարկվում է կառավարության հեղինակած՝ «Ապօրինի ծագման գույքի բռնագանձման մասին» եւ կից օրենքների փոփոխությունների փաթեթը:
Ինչպես տեղեկացրեց ՀՀ արդարադատության նախարար Ռուստամ Բադասյանը՝ առաջինից երկրորդ ընթերցման ժամանակահատվածում փոփոխություններ եւ առաջարկներ են եղել: «ԼՀԿ-ն առաջարկել է գույք ձեռքբերողի բարեխիղճ չլինելու հանգամանքի ապացուցման բեռը տեղափոխել իրավասու մարմնի վրա, եւ առաջարկն ընդունվել է: Հանձնաժողովի այլ անդամների առաջարկների հիման վրա օրինագծով սահմանված հանցագործությունների ցանկից հեռացվել է «առեւտրային կաշառք»-ը: Դատավորների հետ քննարկումների արդյունքում հստակեցվել է հայցի հարուցման ընթացակարգը, ապացույցների նախնական ապահովման ընթացակարգը, մինչեւ հայցի հարուցումը հաշտության կնքման ընթացակարգը»,-նշեց Ռուստամ Բադասյանը:
Հավելենք, որ օրենսդրական փաթեթն առաջիկայում պետք է քննարկվի ԱԺ լիագումար նիստում:
Լուիզա ՍՈՒՔԻԱՍՅԱՆ
