Կառավարության այսօրվա արտահերթ նիստում փոխվարչապետ Մհեր Գրիգորյանը ներկայացրեց կորոնավիրուսի հետեւանքների վերացման 11-րդ միջոցառումը, որը վերաբերում է գազի եւ էլեկտրաէներգիայի բոլոր այն բաժանորդներին, որոնց փետրվար ամսվա ծախսը գազի գծով կազմել է ոչ ավելի, քան տասը հազար դրամ, էլեկտրաէներգիայի ծախսը կազմել է մինչեւ 5 հազար դրամ:
Փոխվարչապետն ասաց, որ օժանդակում են այդ շեմից ցածր բոլոր բաժանորդներին՝ անկախ նրանից՝ ժամկետանց պարտք ունեն, թե չունեն:
Վարչապետ Նիկոլ Փաշինյանի խոսքով, նրանք որոնք արդեն վճարել են կոմունալները՝ նրանց համար կձեւավորվի կանխավճար, իսկ այն բաժանորդները, որոնք դեռ չեն վճարել, այդքանով կնվազի վարձավճարները:
Կարդացեք նաև
Լուսինե ԲՈՒԴԱՂՅԱՆ
