Aravot.am-ը Երեւան քաղաքի ավագանու անդամ, երգչուհի, երգահան Լիլիթ Պիպոյանից հետաքրքրվեց՝ ինչպե՞ս է վերաբերվում ԱԺ-ում իշխանական պատգամավորների եւ «Լուսավոր Հայաստան» խմբակցության լիդեր Էդմոն Մարուքյանի միջեւ խորհրդարանում տեղի ունեցած ծեծկռտուքին:
«Քանի որ ես նաեւ ավագանու անդամ եմ, երբ ավագանու նիստերին էլ անհարգալից, տգեղ, այլանդակ, շուկայական վարքագիծ է ցուցաբերվում, ես դրանից ահավոր վրդովվում եմ, որովհետեւ իմ կարծիքով այդ կարգի ատյաններում մարդիկ պետք է վարվեցողության ձեւ ունենան, եթե նույնիսկ արտահայտում են միմյանց հակադրվող մտքեր: Քաղաքավարության սահմաններում պետք է պարտադիր մնան: Ինձ համար այսօր կատարվածը շատ տարօրինակ երեւույթ էր»,-ասաց տիկին Պիպոյանը:
Ապա հավելեց. «Այդ կարգի բաներ մենք տեսել ենք շատ երկրների խորհրդարաններում, երբ գործը հասնում է ծեծկռտուքի, մարդկանց նյարդերը չեն դիմանում, հատկապես տղամարդիկ չեն կարողանում իրենց զսպել»:
Լիլիթ Պիպոյանն ասաց, որ դատապարտում է կատարվածը. «Ես գտնում եմ, որ պետք է կարողանան չափի մեջ պահել իրենց: Ես դատապարտում եմ երկու կողմին էլ: Ես դատապարտում եմ նույնիսկ խոսքի մեջ նման վերաբերմունքը: Խոսքի մեջ չպետք է լինի հայհոյանք, կոպիտ բաներ: Միտքը կարող է շատ կոշտ լինել, բայց արտահայտման ձեւը պետք է լինի քաղաքավարության սահմաններում»:
Կարդացեք նաև
Գոհար ՀԱԿՈԲՅԱՆ
Մարդու հետ տեղի է ունենու այն ամենը, ինչ ծառի հետ:Որքան նա ձգտում է վերեվ (դեպի լույսը) այնքան նրա արմատներն ավելի են խորանում հողի մեջ,դեպի անդունդը,դեպի ներքեվն,դեպի չարն:
Քանի դեռ նիկոլն վերջնական չի չարացել,ժամանակն է չորացնելու:
Այսօր մենք չունենք լուրջ ղեկավար եվ լուրջ ԱԺ:
Փողոցից հավաքված մի խումբ տղաներ,կայֆ են բռնում ազգի գլխին:
Մեր ուզելով չէ, որ պիտի պայքարենք, այն մեզ պարտադրում է մեր ընտանիքն ու մեր երեխաներն:
Երկու ճանապարհ ունենք, որն պետք է լուծվի միմիայն ազգովի:
1.Կամ գլուխ ծռել նիկոլի ու «իր քայլի»առաջ, և բնաջնջվել մարմանդ անպատիվ մահով:
2.Կամ անվեհեր ու բաց ճակատով հանուն մեր ազգի, դուրս գալ պայքարի:
Ես ընտրել եմ իմ ազգի եվ ընտանիքի համար, պատվավոր պայքարի ճամփան։
Արցախի նախկին հրամանատար՝ Աղասի