Հունիսի 18-ին կայացել է «Եվրանեսթ» խորհրդարանական վեհաժողովի նիստը՝ առցանց ձևաչափով, որից հետո հրապարակվել է Բյուրոյի պաշտոնական հայտարարությունը:
«Մենք՝ Եվրանեսթի խորհրդարանական վեհաժողովի անդամներս, ներկայացնելով Եվրախորհրդարանի, ինչպես նաև Հայաստանի, Ադրբեջանի, Վրաստանի, Մոլդովայի և Ուկրաինայի պատվիրակությունները, վերահաստատում ենք Արևելյան գործընկերության պետությունների հանձնառությունը նախաձեռնության հիմքում ընկած արժեքներին, մասնավորապես՝ ժողովրդավարություն, մարդու իրավունքների և հիմնարար ազատությունների հարգում, օրենքի գերակայություն և լավ կառավարում, ինքնիշխանություն, տարածքային ամբողջականություն և ինքնորոշում, այս բոլոր արժեքները պետք է ամրապնդվեն՝ ի շահ քաղաքացիների, որոնց ներկայացնում ենք»,-ասվում է փաստաթղթի առաջին դրույթում:
Փաստաթուղթն անդրադարձել է Հայաստանի հետ Համապարփակ և ընդլայնված գործընկերության համաձայնագրին: «Գիտակցում ենք, որ Վրաստանի, Մոլդովայի և Ուկրաինայի հետ կնքված ԱՀ/ԽՀԱԱԳ համաձայնագրերը, ինչպես նաև Համապարփակ և ընդլայնված գործընկերության համաձայնագիրը, որը կնքվել է Հայաստանի Հանրապետության հետ, վկայում են դիֆերենցված մոտեցման մասին և պետք է հանգեցնեն երկկողմանի հարաբերություններում ձևաչափերի և ճանապարհային քարտեզների հետագա կատարելագործմանը»:
Ըստ հայտարարության Հայաստանի հետ կնքված համաձայնագիրը սահմանում է շրջանակ՝ Հայաստան-Եվրամիություն գործընկերության խորացման, Հայաստանում ընթացող քաղաքական և տնտեսական բարեփոխումներին աջակցելու, ինչպես նաև տարածաշրջանային անվտանգության և կայունության պահպանման գործում Հայաստանի դերի ամրապնդման համար:
Կարդացեք նաև
Կարևորվել է նաև վիզաների դյուրացման և ազատականացման հարցը, որն էլ իր հերթին կհագեցնի հասարակությունների միջև շփումների խորացմանը:
Իմ քայլը» խմբակցության պատգամավոր Գայանե Աբրահամյանը ֆեյսբուքյան իր էջում անդրադարձել է այս հայտարարությանը. «Բարդ ու լարված բանակցությունների արդյունքում ունեցանք հավասարակշռված փաստաթուղթ՝ «Եվրանեսթ» խորհրդարանական վեհաժողովի Բյուրոյի հայտարարությունը։
Պատրաստեց՝ Վիկտորյա ԱՆԴՐԵԱՍՅԱՆԸ
