«Լոռի TV» ՍՊ ընկերության տնօրեն, լրագրող Նարինե Ավետիսյանը ֆեյսբուքյան իր էջում գրում է.
Կեցցե՛ Լոռու մարզի ընդհանուր իրավասության «արդար» դատարանը և դատավոր Սուսաննա Գզոգյանը: Հիշում եք, չէ՞, 2017 թ. ինչպես ինձ «պառկեցրեցին» ասֆալտին: Հանցագործը, ում ես ճանաչել էի նախաքննության մարմնի մոտ, շուրջ մեկ տասնյակ մարդու մեջ՝ «ՇինՊլյուս» ՍՊԸ տնօրեն Տիգրան Նազարյանն էր: Նախաքննության և դատավարության ընթացքում բազում իրարամերժ ցուցմունքներ տվեցին այս անձը և իր ենթակաները, նաև այն անձը, ով շեֆի մեղքը վերցրել էր իր վրա, բայց չկարողացավ ապացուցել, որ ինքն է եղել, ոչ թե շեֆը: Թվում էր, թե «արդարադատություն» իրականացնող դատավոր Գզոգյանը այս գործում ոչ միայն արդարամիտ պիտի լինի, ավելին, նա պիտի պարզապես փաստերն իրար կողքի դներ ու վճիռ կայացներ: Ինչևէ:
Ես այս գործում պարտվեցի, պարտվեցի Հայաստանի Հանրապետությանը, պարտվեցի Լոռու մարզի ընդհանուր իրավասության դատարանում, պարտվեցի հանցագործ Տիգրան Նազարյանին, պարտվեցի, որովհետև իմ երկրի, իմ համայնքի շահերն էի պաշտպանում գիշերով, անձրևի տակ ասֆալտ փռողների դեմ:
Լրագրող ընկերներիս կուղարկեմ այս խայտառակ դատավճիռը, որը կայացվեց հետհեղափոխական Հայաստանում:
Կարդացեք նաև
ԱՐԴԱՐԱՑՄԱՆ ԴԱՏԱՎՃԻՌ՝ ԼՐԱԳՐՈՂԻՆ ԱՍՖԱԼՏԻՆ ՓՌՈՂԻ ՀԱՄԱՐ Կեցցե՛ Լոռու մարզի ընդհանուր իրավասության «արդար» դատարանը և դատավոր...
Posted by Narine Avetisyan on 2020 թ. սեպտեմբերի 21, երկուշաբթի
