Բռնցքամարտի Հայաստանի ազգային հավաքականի 18 թեկնածուներ գլխավոր մարզիչ Ռաֆայել Մեհրաբյանի ղեկավարությամբ Խարկովի թիմի հետ համատեղ ուսումնամարզական հավաք են անցկացնում Ծաղկաձորի օլիմպիական մարզաբազայում:
Ռաֆայել Մեհրաբյան
Օրական երկու մարզման ընթացքում ուշադրություն դարձվում է բռնցքամարտիկների ընդհանուր ֆիզպատրաստության, ինչպես նաեւ տեխնիկատակտիկական որակների բարելավման վրա:
Բարձրադիր վայրում հավաքի ավարտից հետո հայ բռնցքամարտիկները կտեղափոխվեն Երեւան եւ մարզումները կշարունակեն Օլիմպավանում: Մրցաշրջան 2021-ի առաջին միջազգային մեկնարկը լինելու է Ստրանջայի գերմրցաշարը՝ փետրվարի 20-ին, որին կհաջորդի անցած տարվա մարտին Լոնդոնում կորոնավիրուսի համավարակի պատճառով ընդհատված օլիմպիական վարկանիշային մրցաշարը, որտեղ մեր Կորյուն Սողոմոնյանը հասցրել էր Տոկիոյի ուղեգիր նվաճել 52 կգ քաշային կարգում: Հաջորդ վարկանիշայինը կայանալու է Փարիզում:
Աշոտ ՀԱԿՈԲՅԱՆ
