Գյումրու կենտրոնում սկսվել է նախընտրական եռուզեռ․ փակված սրճարաններն ու խանութները վերածվել են կուսակցությունների գրասենյակների։
Այսօր մեր ֆոտոխցիկը ֆիքսեց, որ Գյումրու Վարդան Աճեմյանի անվան դրամատիկական թատրոնի դիմաց գտնվող «Գրանդե» սրճարանը, որը փակվել էր, տրամադրված է Մհեր Արմենիայի հիմնած «Ազգային ձայն» կուսակցությանը։ Ապակյա պատուհաններից երևում էր, որ այն մարդաշատ է, աշխույժ։
Կարդացեք նաև
Քաղաքի ամենաթանկ գրասենյակներից մեկն էլ, որտեղ ժամանակին տեղակայվել էր «Այո»-ի շտաբը, տրամադրված է Սյունիքի նախկին մարզպետ Վահե Հակոբյանի հիմնադրած «Վերածնվող Հայաստան» կուսակցությանը։
Գյումրու հագուստի փակված խանութներից մեկի շենքն էլ, ըստ մեր տեղեկությունների, վարձակալել է «Հայրենիք» կուսակցության նախագահ Արթուր Վանեցյանը։ Սակայն այստեղ դեռ կուսակցության անվանումը չկար։
Նունե ԱՐԵՎՇԱՏՅԱՆ
