Հունիսին Լոռու մարզի Բազում համայնքում տեղացած կարկուտը մեծ վնասներ հասցրեց բնակչությանը: Մոտ 20 րոպե տեղացած հավկիթի չափ կարկուտը վնասել էր կարտոֆիլի ու ցորենի ցանքատարածությունները, կոտրել պտղատու ծառերը. «Սաղ ջարդեց կարկուտը՝ պոպոքից սկսած, կարտոլից ու լոբուց վերջացրած: Ինչո՞վ օգնեցին, ոչ մի բանով: Ամեն ինչը կորավ գնաց, ոչ գումար տվեցին, ոչ մի բան: Վարկերն էլ եսիմ ոնց ենք տալու: Տունն ու տեղը ծախելու ենք տանք էլի, տանք թուրքերին, փախչենք ստիան գնանք»,- դժգոհում են գյուղացիները:
Ամիսներ անց, բնակիչները դեռեւս փոխհատուցում չեն ստացել:
Սրբուհի Հարությունյան
Համայնքի ղեկավար Սրբուհի Հարությունյանը վստահեցնում է, որ կազմված հանձնաժողովը հաշվարկել է վնասի չափն ու ուղարկել մարզպետարան. «Մենք հաշվարկը ներկայացրել ենք մարզպետարան, մարզպետարանը մեզ պատասխանել է, որ ուղարկում ենք կառավարություն եւ կառավարությունն էդպես էլ լռել է: Մինչեւ այսօր ոչ մի բան չկա, ոչ էլ օգնություն»,- ասում է համայնքի ղեկավարն ու նշում, որ գյուղում հարկեր չեն կարողանում հավաքել, գյուղացին գումար չունի այլեւս. «Ժողովրդից էլ չենք կարողանում հարկերը գանձենք, ասում է՝ կարկուտը տարել է, ինձ ի՞նչ տվեցիր, որ ի՞նչ էլ ուզում ես: Վարկն ու հարկերի հավաքագրումը ժողովրդի համար խնդիր է առաջացրել»:
Կարդացեք նաև
Տաթեւիկ ՂԱԶԱՐՅԱՆ
