21-րդ օրը հացադուլի մեջ գտնվող Վրաստանի նախկին նախագահ Միխեիլ Սաակաշվիլիի աղմկահարույց ձերբակալությունից շուրջ երեք շաբաթ անց դատախազությունը նրան առաջադրեց ևս մեկ մեղադրանք՝ պետական սահմանի ապօրինի հատում։
Քննիչները ներկայացրել են ութնամյա բացակայությունից հետո հայրենիք վերադարձած նախկին առաջնորդի երթուղու մանրամասները։ Վրաստանի դատախազությունը պնդում է, որ քաղաքական գործիչը Վրաստան է հասել լաստանավով՝ թաքնվելով կաթնամթերք տեղափոխող բեռնատարի մեջ․ մեղադրանք է առաջադրվել նաև բեռնատարի վարորդին՝ «ծանր հանցագործություն կոծկելու» հոդվածով:
Այսպիսով, Վրաստանը 11 տարի ղեկավարած Սաակաշվիլիին առաջադրված մեղադրանքների թիվը հասավ 5-ի, դրանցից 2-ով նա արդեն հեռակա դատապարտվել է 9 տարվա ազատազրկման և գտնվում էր միջազգային հետախուզման մեջ՝ սպանության համար ազատազրկման դատապարտված ոստիկանության նախկին աշխատակիցներին համաներում շնորհելու, ինչպես նաև նախին պատգամավոր Վալերի Գելաշվիլիին ծեծի ենթարկելու գործերով։ 2007 թվականի նոյեմբերի 7-ի ընդդիմության ցույցը ցրելու և «Իմեդի» հեռուստաընկերության փակման գործերով, ինչպես նաև պետբյուջեի միջոցների վատնման քրեական գործերով դատավճիռներ դեռ չեն կայացվել։
Նյութն ամբողջությամբ՝ սկզբնաղբյուր կայքում
