Ներկայացվել են Հանրային հեռուստառադիոընկերության խորհրդի 2022 թվականի բյուջեի նախագծով նախատեսված հատկացումները
ՀՀ ԱԺ գիտության, կրթության, մշակույթի, սփյուռքի, երիտասարդության եւ սպորտի ու ֆինանսավարկային եւ բյուջետային հարցերի մշտական հանձնաժողովների նոյեմբերի 8-ի համատեղ նիստում քննարկվել են «ՀՀ 2022թ. պետական բյուջեի մասին» ՀՀ օրենքով նախատեսված ոլորտային եկամուտներն ու ծախսերը:
ՀՀ ֆինանսների նախարար Տիգրան Խաչատրյանը ներկայացրել է չորս գերատեսչությունների ֆինանսավորման ցուցանիշները:
Հեռուստատեսության եւ ռադիոյի հանձնաժողովին 2022-ին բյուջեի նախագծով նախատեսվել է մոտ 336 մլն 900 հազար դրամ:
Կարդացեք նաև
Հանրային հեռուստառադիոընկերության խորհրդի՝ բյուջեի նախագծով նախատեսված ծախսերի հանրագումարը 1 ծրագիր եւ 5 միջոցառում իրականացնելու համար կազմում է 7 մլրդ 634 մլն դրամ:
Վարչապետի աշխատակազմի սփյուռքի գործերի գլխավոր հանձնակատարի գրասենյակի համար 2 ծրագիր եւ 9 միջոցառում իրականացնելու համար նախատեսվել է 579 մլն դրամ:
ԿԳՄՍ նախարարությունը 2022 թվականին պետք է իրականացնի 21 ծրագիր՝ 176 միջոցառմամբ: Ընդհանուր ծախսը կկազմի շուրջ 226 մլրդ դրամ, որը 2021 թ. հաստատված բյուջեից ավելի է 48 մլրդ 694 մլն դրամով:
Հեռուստատեսության եւ ռադիոյի հանձնաժողովի նախագահ Տիգրան Հակոբյանը, ներկայացնելով կառույցի գործառույթները, ընդգծել է, որ հանձնաժողովը պետական անկախ մարմին է եւ երաշխավորում է հեռարձակողների ազատությունը, անկախությունն ու բազմազանությունը:
Մանրամասն ներկայացնելով գալիք տարվա ծրագրերը՝ նա նշել է, որ բյուջեի նախագծով նախատեսված գումարով կփորձեն լուծել բազմաթիվ խնդիրներ:
ՀՀ ազգային ժողով
