«Քարոզարշավն ընթացել է ԸՕ-ի կանոնակարգումների պահանջների պահպանմամբ: Առանձին տեղերից եղել են առանձին ահազանգեր, որոնց փորձել ենք օպերատիվ կարգով արձագանքել եւ լուծումներ տալ»,- Aravot.am-ի հետ զրույցում ասաց Կենտրոնական ընտրական հանձնաժողովի նախագահ Տիգրան Մուկուչյանն՝ ամփոփելով տեղական ինքնակառավարման մարմինների ընտրությունների հերթական փուլը:
Հիշեցնենք, առաջիկա կիրակի օրը՝ դեկտեմբերի 5-ին, հանրապետության մի շարք խոշորացված համայնքներում ավագանու ընտրություններ են կայանալու:
ԿԸՀ նախագահի հավաստմամբ, տարածքային ընտրական հանձնաժողովները գործընթացին հետեւել են եւ բավական արագ արձագանքել առկա խնդիրներին:
Հիմնական խնդիրները, եղել են չսահմանված վայրերում պաստառներ փակցնելը, ինչը արագ շտկվել է՝ շրջայցերի եւ ուսումնասիրությունների արդյունքում: Ըստ ԿԸՀ նախագահի, քարոզարշավի ընթացքում արտառոց դրսեւորումներ կամ ահազանգեր չեն գրանցվել:
Կարդացեք նաև
Նելլի ԳՐԻԳՈՐՅԱՆ
Քանի դեռ դու ԿԸՀ նախագահ ես, քարողարշավների ժամանակ խախտումներ չեն գրանցվի, իշխանական կուսակցությունները կհաղթեն և էական ընտրակեղծիքներ չեն հայտնաբերվի, ընտրական թվանկարչությունն ավելի ծածուկ բնույթ կստանա, ընտրությունների վերջում ճարտար արագախոսությամբ դու կհայտարարես քվեարկությունների «օբյեկտիվ» արդյունքները և դրա արդյունքում՝ դու կապրես բախտավոր, որպես իշխանություններին հնազանդ օղակի ղեկավար (քանզի հնազանդությունն ավելացնում է պաշտոնավարման երկարակյացությունը):