Դատական գործերը ոչ էլեկտրոնային՝ ձեռքով որեւէ դատավորին մակագրելու եւ արդար դատաքննության սկզբունքը խախտելու վերաբերյալ այսօր «Մեդիա կենտրոնում» քննարկման ժամանակ ՄԻՊ աշխատակազմի հետազոտական եւ կրթական կենտրոնի աշխատակից Մերի Մամիկոնյանն ասաց, որ ՄԻՊ աշխատակազմը ահազանգեր է ստացել, որ որոշ դեպքերում սահմանված չափանիշները չեն պահպանվում, ինչպես օրինակ պատահականության սկզբունքը, գործերի մակագրության այբբենական հերթականության չափանիշը։
«Ըստ ստացված ահազանգերի՝ Երեւանի ընդհանուր իրավասության առաջին ատյանի դատարանում գործերի մակագրումը իրականացնում է աշխատակազմի ղեկավարը։ Ստացվել են ահազանգեր, որ վարչական դատարանում հինգ դատավորներից բաղկացած դատական կազմերում հաճախակի ընտրվում են նույն դատավորները եւ վարչական դատարանի նախագահի հայեցողությամբ։ Սրանք այնպիսի գործերով են լինում՝ այս մակագրություններն, ինչպիսիք են տեղական ինքնակառավարման մարմինների ընտրություններին վերաբերող հարցերը»,-ասաց Մերի Մամիկոնյանը։
Նրա խոսքով՝ անձի արդար դատաքննության իրավունքի բաղադրիչներից մեկը դատավորի անկախությունն է, որը կարող է երաշխավորված լինել միայն դատական գործերի բաշխման օբյեկտիվության պահպանման պարագայում․ «Մինչդեռ ստեղծած իրավիճակում, օրենսդրական կարգավորումներն՝ իրենց անորոշությամբ պայմանավորված, հանգեցնում են մի իրավիճակի, երբ գործով անցնող անձի կամ անկախ դիտորդի համար կասկածի տակ է դրվում դատական գործերի բաշխման անաչառությունը»։
Կարդացեք նաև
Նելլի ԲԱԲԱՅԱՆ
Լուսանկարը՝ «Մեդիա կենտրոնի»
