Գյումրի բժշկական կենտրոնում այս պահին բուժվում են կորոնավիրուսով վարակված 80 հիվանդներ։ Հիվանդությունը փոքր-ինչ նահանջել է, հիվանդների թիվը պակասել է․ հիվանդանոցի կորոնավիրուսային բաժանմունքի 100 մահճակալից զբաղված է 80-ը։
Ստացիոնար բուժում ստացողների մեծ մասը Գյումրիից են, բոլորի մոտ հիվանդությունն ուղեկցվում է թոքաբորբով։
Հիվանդների մեծ մասը տարեց են․ 10 հոգու վիճակը ծայրահեղ ծանր է․ վերակենդանացման բաժանմունքում ազատ մահճակալ չկա։
Հիվանդների մեծ մասը հիվանդանոց են տեղափոխվում տրիաժ ծառայությունից, այսօր տրիաժից ստացիոնար բուժման են տեղափոխվել 4 հիվանդ։
Կարդացեք նաև
Այս մասին Aravot.am-ի հետ զրույցում մանրամասնեց Գյումրի բժշկական կենտրոնի փոխտնօրեն Արմեն Խաչատրյանը։
Իսկ թե կորոնավիրուսի ո՞ր շտամով են վարակված հիվանդները, Արմեն Խաչատրյանն ասաց․ «Չես կարող ասել՝ նրանց մոտ օմիկրոն շտա՞մն է, թե՞ դելտան»։
Նունե ԱՐԵՎՇԱՏՅԱՆ
