ԱԺ լիագումար նիստում այսօր հայտարարվեցին ՀՀ նախագահի ընտրության երկրորդ փուլի քվեարկության արդյունքները։ ԱԺ հաշվիչ հանձնախմբի նախագահ Նարեկ Բաբայանի փոխանցմամբ՝ 107 պատգամավորից նախագահի ընտրության երկրորդ փուլի քվեարկությանը մասնակցել են 71-ը․ անվավեր քվեաթերթիկներ չեն եղել։ ՔՊ-ի առաջադրած նախագահի թեկնածու Վահագն Խաչատրյանի օգտին կողմ է քվեարկել 71 պատգամավոր։
Դահլիճում ներկա իշխանական խմբակցությունը հոտնկայս ծափահարեց ընտրված նախագահին։
«Հուզումնալից է իսկապես, շնորհակալ եմ վստահության համար, որ ինձ այսպիսի մեծ վստահության քվե տվեցիք։ Դեռեւս չեմ գիտակցում ամբողջ պատասխանատվությունը, ավելի ճիշտ՝ պահի կարեւորությունը։ Համոզված եմ, որ ժամանակի ընթացքում կվերագնահատեմ։ Ձեզ համար էլ շատ կարեւոր պահ է, որովհետեւ վերապահված էր ընտրել ՀՀ նախագահին»,-մոտենալով ամբիոնին՝ ասաց Վահագն Խաչատրյանը։
Կարդացեք նաև
Հիշեցնենք, որ խորհրդարանական ընդդիմությունը բոյկոտել էր նախագահի ընտրության հարցի քննարկումը։
Լուիզա ՍՈՒՔԻԱՍՅԱՆ