Այսօր Արցախյան շարժման հիմնադիրներից Իգոր Մուրադյանը կդառնար 65 տարեկան: Իգոր Մուրադյանի ընկերները եւ հետեւորդները Եռաբլուրում ծաղիկներ խոնարհեցին նրա շիրիմին:
ԱԺԲ խորհրդի անդամ Գարեգին Չուգասզյանը հիշատակի խոսքում նշեց. «Մարդու հիշատակը հարգելու լավագույն ձեւը նրա գործը շարունակելն է: Որքան հեռանում ենք՝ հստակ երեւում է, որ մենք գործ ենք ունեցել բացառիկ անձնավորության հետ: Պատմությունը Իգոր Մուրադյանին հիշելու է որպես ազգային ազատագրական շարժման թե տեսաբան, թե կազմակերպիչ: Դեռ 2014-ին նա հասկանում էր, թե ինչ է կատարվում աշխարհում, այն կենտրոնական դերը, որ Ուկրաինան խաղում է Եվրոպայի աշխարհակարգի հաստատման գործում: Այն ժամանակ, թերեւս, միայն Իգոր Մուրադյանն էր, որ հստակ արտահայտել էր այն գաղափարը, որ Ուկրաինան դառնալու է նոր աշխարհակարգի ձեւավորման կարեւորագույն գործոններից մեկը, եւ Կիեւը որպես մայրաքաղաք թելադրելու է եվրոպական օրակարգը
Իգոր Մուրադյանը ինքնիշխանության, ինքնիշխան հայ մարդու մոդել էր: Նա հասկանում էր հայ ժողովրդի քաղաքակրթական պատկանելությունը եվրոպական քաղաքակրթությանը, որ դա եղել է եւ մնում է մեր մայրուղին»:
«Հանուն Հադրութի» ՀԿ գործադիր մարմնի նախագահ Լեւոն Հայրիյանը ասաց. «Եթե Իգորի գործը փորձենք արժեւորել, նրան, թերեւս, կարելի է համեմատել Արամ Մանուկյանի հետ: Նրանք կարողացան ստեղծել հայկական պետություն: Եթե Արամը պետություն ստեղծեց, Իգորը վերաանկախացրեց Հայաստանը: Բայց ցավոք, խավարամտությունը մի քիչ շատ էր: Այսօր հսկա մակընթացությունից հետո, որը մեզ բերեց ազգային հաղթանակների, հայտնվել ենք տեղատվության դաշտում: Բայց դա մենք չպետք է թույլ տանք: Ամեն մարդ պետք է իրեն համարի զինվոր եւ չթողնի, որ այս տեղատվության ազդեցության տակ կորցնենք մեր ազգային արժեքները: Չի կարելի հուսահատվել: Հակառակ դեպքում կործանվելու ենք»:
Կարդացեք նաև
Աշոտ ՀԱԿՈԲՅԱՆ
