«Ամենամեծ վտանգը անտարբերությունն է. սիրո մյուս կողմը ատելությունը չէ, անտարբերությունն է, գեղեցկության մյուս կողմը տգեղությունը չէ, անտարբերությունն է, կյանքի մյուս կողմը մահը չէ, անտարբերությունն է. մենք պետք է պայքարենք անտարբերության դեմ»,- հղում անելով «Ավրորայի» մասնակցի խոսքերին՝ ասաց «Ապագա հայկականի» նախաձեռնության համահիմնադիր Ռուբեն Վարդանյանը:
Հիշեցնենք, երեկ Ստեփանակերտում կայացավ նախաձեռնության առաջին ֆորումը, որը նվիրված էր ժողովրդագրական խնդիրներին:
«Մենք չենք պարտվել: Ոչ մի բան չի վերջացել: Արցախի ժողովուրդն իր պատմության ընթացքում տարբեր էջեր է ունեցել. այս էջը փակված չէ եւ մենք գնալու ենք առաջ»,- ասաց Ռուբեն Վարդանյանը՝ նկատելով, որ եթե հասարակությունը պայքարի այդ անտարբերության դեմ, հայրենիքը չի կանգնի մարտահրավերների առջև:
Նա նաեւ տեղեկացրեց, որ 2022 թվականի աշնանը տեղի է ունենալու «Ապագա հայկականի» համաժողովը, որը համախմբելու է շուրջ 200 մասնակիցների և առաջատար փորձագետների՝ Հայաստանի Հանրապետությունից, Արցախի Հանրապետությունից և Սփյուռքից:
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
