Կարեն Դեմիրճյանի անվան մարզահամերգային համալիրում ավարտվեց բռնցքամարտի տղամարդկանց Եվրոպայի առաջնության մրցումային երրորդ օրը:
Երեկոյան մրցահերթում վերջինը ռինգ մտավ Հայաստանի հավաքականի բազմափորձ անդամ Կարեն Տոնականյանը, որը բոլորովին վերջերս է ապաքինվել լուրջ վնասվածքից: Կարենի մրցակիցը հունգարացի Ռոլանդ Վերեսն էր: Ծավալված գրեթե հավասար մենամարտում մրցավարները հաղթանակը շնորհեցին Կարեն Տոնականյանի մրցակցին:
Մարտից հետո Հայաստանի հավաքականի գլխավոր մարզիչ Կարեն Աղամալյանը լրագրողներին ասաց, որ վնասվածքն անշուշտ որոշ դերակատարություն ունեցավ, սակայն Տոնականյանը ռինգում իր իսկական մենամարտը չկարողացավ ցուցադրել:
Աշոտ ՀԱԿՈԲՅԱՆ
