Թուրքիայի և Հայաստանի հարաբերությունները դրական կլինեն, եթե կարգավորվեն հարաբերությունները Բաքվի ու Երևանի միջև, առայժմ, սակայն, դրական պատկեր չկա: Այս մասին հայտարարել է Թուրքիայի նախագահ Ռեջեփ Թայիփ Էրդողանը:
«Հայկական կողմի հետ մեր վերջին հանդիպումը եղել է Պրահայում, մենք նրանց բացահայտ ասել ենք. եթե դուք դրական հունի վրա դնեք Ադրբեջանի հետ հարաբերությունները, ապա Թուրքիայի հետ հարաբերություններն էլ կընթանան դրական ուղղությամբ: Մենք Երևանից դա ենք սպասում: Առայժմ նման պատկեր չկա: Ֆրանսիայի և ԱՄՆ-ի սփյուռքը ճնշում են գործադրում, ինչն արտացոլվում է այդ գործընթացում: Ամեն ինչ կախված է Հայաստանի ղեկավարությունից: Մենք ոչ թե թշնամիներ ենք ուզում, այլ բարեկամներ»,- ասել է Էրդողանը Անկարայի օդանավակայանում՝ Սամարղանդ թռիչքից առաջ:
Պատրաստեց Վիկտորյա ԱՆԴՐԵԱՍՅԱՆԸ
