«Մենք տեղյակ ենք, նոր պետնախարարը, ես էլ կփորձենք ՀՀ կառավարության հետ, բանկային համակարգի հետ համագործակցել, որպեսզի իրականացվի»,- այսօր ԱՀ խորհրդարանում՝ պատասխանելով պատգամավորներից մեկի հարցին՝ պատերազմի արդյունքում Արցախից տեղահանվածներին տրված սերտիֆիկատների՝ ՀՀ բանկային համակարգում իրացնելու խնդիրների վերաբերյալ, այսպես պատասխանեց ԱՀ նախագահ Արայիկ Հարությունյանը:
Նա վստահեցրեց, որ այդ մարդկանց սոցիալական ծախսերը Արցախի կառավարությունը շարունակում է հոգալ առայժմ: Թե հետագայում ի՞նչ կլինի՝ ժամանակը ցույց կտա:
Հիշեցնենք, այդ հարցը վերջերս նաեւ ՀՀ խորհրդարանում էր քննարկվել՝ 2023 թվականի բյուջեի նախագծի քննարկումների ժամանակ: ՀՀ աշխատանքի եւ սոցիալական ապահովության նախարար Նարեկ Մկրտչյանը մանրամասնել էր, որ շուրջ 4 հազար մարդու մասին է խոսքը, որոնց հնարավորություն է տրվում բնակարան ձեռք բերել ՀՀ-ում՝ Երեւանում, Արցախում, այժմ նաեւ ՀՀ մարզերում: Նա վստահեցրել էր, որ բանկերից բացի՝ ծրագրին նաեւ վարկային կազմակերպություններ կարող են մասնակցել եւ այդ ուղղությամբ ԿԲ-ի հետ աշխատանք է տարվում:
Ի դեպ, Արայիկ Հարությունյանը պատգամավորներին հորդորեց՝ ստեղծված իրավիճակի, բանակի ապառազմականացման վերաբերյալ եւ համանման այլ հարցեր չտալ, քանի որ այդ հարցերի շուրջ օրերս փակ քննարկում է նախատեսվում, որին կմասնակցեն նաեւ պատգամավորները:
Կարդացեք նաև
Նելլի ԳՐԻԳՈՐՅԱՆ
