Օրերս Կոմիտասի անվան կամերային երաժշտության տանը կայացավ բացառիկ համերգային ծրագիր՝ Մոցարտ «Թագադրման մեսա» խորագրով: Մասնակցում էին Հայաստանի պետական կամերային նվագախումբը (գեղ. ղեկավար և գլխավոր դիրիժոր` Վահան Մարտիրոսյան), Երևանի պետական կամերային երգչախումբը (գեղ. ղեկավար և խմբավար՝ Քրիստինա Ոսկանյան) եւ Երևանի Կոմիտասի անվան պետական կոնսերվատորիայի «Կոմիտաս» երգչախումբը (խմբավար՝ Գայանե Սահակյան):
Ծրագրում՝ Ալան Հովհաննես «Արեւագալի երգ», Դավիթ Հալաջյան «Տէր, եթե զշրթունս իմ բանաս», «Դոմինուս Դեուս», Երվանդ Երկանյան«Հավուն, հավուն», Միլոր «Ուբի Կարիտաս» եւ Մոցարտ Laudate Dominum, «Թագադրման մեսսա»:
Կարդացեք նաև
Մեներգիչներն էին՝
Նելլի Քալաշյանը (սոպրանո),
Մարգարիտա Սարգսյանը (սոպրանո),
Վիկտորիա Մելքոնյանը (մեցո սոպրանո),
Գուրգեն Պողոսյանը (տենոր),
Միքայել Սարգսյանը (բաս),
դիրիժորը՝ Հովհաննես Միրզոյանը:
Դիրիժորն ասաց, որ երջանիկ է նույն բեմում լինել իր սիրելի սաների հետ, որոնք առանձին կոլեկտիվներ են ղեկավարում եւ հասուն խմբավարներ են, ինչպես նաեւ, նրա ձեւակերպմամբ՝ գեղեցիկ մենակատարների, միջազգային մրցույթների դափնեկիրների հետ: Համերգը եզրափակվեց Մոցարտի գեղեցկագույն ստեղծագործություններից մեկով՝ «Ավե վերում կորպուս»-ով:
Ունկնդիրն արժանի էր նման յուրահատուկ համերգային ծրագրի, ինչի համար «վարձահատույց» եղավ ջերմ ընդունելությամբ եւ բրավոներով: Ի դեպ, լեփ-լեցուն դահլիճում բավականին շատ էին օտարեկրացիները, հատկապես որ երաժշտությունը համամարդկային լեզու է:
Գոհար ՀԱԿՈԲՅԱՆ
