Լրահոս
Օրվա լրահոսը

«Վստահ եմ՝ կարդարացնեմ ձեր բոլոր սպասելիքները»․ Շիրակի նոր մարզպետը Մուշեղ Մուրադյանն է

Հունվար 26,2023 13:24 Share
Աջակցեք aravot.am-ին

Կառավարությունն իր այսօրվա նիստում որոշում կայացրեց Շիրակի մարզպետի պաշտոնից ազատել Նազելի Բաղդասարյանին, մեկ այլ որոշմամբ այդ պաշտոնում նշանակվեց Մուշեղ Մուրադյանը:

«Շնորհակալություն վստահության համար, վստահ եմ՝ կարդարացնեմ ձեր բոլոր սպասելիքները»,-վարչապետին և կառավարության անդամներին դիմեց նորանշանակ մարզպետը:

Նիկոլ Փաշինյանը շնորհակալություն հայտնեց Նազելի Բաղդասարյանին կատարած աշխատանքի համար:

Իր հերթին Նազելի Բաղդասարյանը շնորհակալություն հայտնեց իր մարզպետ եղած ժամանակ կառավարության հետ փոխգործակցության համար. «Ինձ վստահված ժամանակահատվածում պատասխանատվությամբ կրել եմ այս կոչումը: Ես վստահ եմ, որ այն շարունակական ծրագրերը, որ մեկնարկել են մարզում, ի կատար կածվեն: Թող որ այն ծրագրերը, որոնք միտված են երկրի բարօրությանը, բավարար քաղաքական կամքով եւ պետական մտածողությամբ շարժվեն առաջ»:

Երեկ հայտնել էինք, որ Շիրակի մարզպետ Նազելի Բաղդասարյանը հրաժարական է տվել:

Մուշեղ Մուրադյանը մինչ այս զբաղեցնում էր «Արփի լիճ» ազգային պարկի տնօրենի պաշտոնը:

Լուսինե ՄԱՐԳԱՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: