ՔՊ խմբակցության պատգամավոր Սիսակ Գաբրիելյանն այսօր ԱԺ-կառավարություն հարցուպատասխանի ժամանակ, անդրադառնալով հայ-ռուսական հարաբերություններին, նշեց, որ հանրության մի մասը մեղադրում է իշխանությանը դրանց վատթարացման, փչացման համար։ «Արդյոք փչացե՞լ են հայ-ռուսական հարաբերությունները»,-հարցրեց նա վարչապետին։
Նիկոլ Փաշինյանը հարցին այսպես պատասխանեց․ «Ինչո՞վ են փչացել։ Եթե փչացել են, կամ խոսում են փչանալու մասին, ապա ուզում եմ հիշեցնել, որ այդ իշխանության օրոք է առաջին անգամ եղել, որ ՌԴ-ն Ադրբեջանի հետ բազմամիլիարդանոց զենքի գործարք է կնքել։ Բա իրենք այդպես լավ հարաբերություններ պահո՞ղ էին։ Այդ ի՞նչ արին, որ մեր ռազմավարական դաշնակիցը 2011 թե 2012թ․-ին առաջին անգամ բազմամիլիարդանոց զենքի վաճառքի գործարք կնքեց Ադրբեջանի հետ»։
Փաշինյանը շարունակեց․ «Ընդ որում, միաժամանակ խստորեն սահմանափակեց զենքի մատակարարումները ՀՀ-ին։ Ես դա որեւէ տեղից չեմ իմացել։ Ես դա ժամանակին իմացել եմ 2016-թ․-ին Սերժ Սարգսյանի կողմից գրված մի նամակից, որը, ի տարբերություն ուրիշ այլ փաստաթղթերի, արխիվում շատ լավ պահպանված է «հույժ գաղտնի» գրիֆի ներքո: Քիչ պահպանված թղթերից է՝ «փթթելու» արտահայտություն։ Ի՞նչ արին։ Դե թող պարզաբանեն։ Ինչպե՞ս ստացվեց, որ երկար ժամանակ նման գործարք չկար, մեկ էլ եղավ այն իշխանության օրոք, որը հիմա մեզ մեղադրում է ՌԴ-ի հետ հարաբերությունները չփչացնելու մեջ»։
Փաշինյանի խոսքով՝ ՀԱՊԿ-ի հետ կապված ամենամեծ խնդիրը հենց վերոնշյալն է, մինչդեռ հիմա իր իշխանությանն են մեղադրում ՀԱՊԿ-ի հետ խնդիրներ առաջացնելու համար․ «Ո՞նց առաջացրին իրենք այդ խնդիրը, թող պատասխանեն։ Իսկ հայ-ռուսական հարաբերությունների այսօրվա դինամիկան եւ խնդիրները տեսնում եք։ Մենք ոչ մի բան չենք թաքցնում»։
Կարդացեք նաև
Լուիզա ՍՈՒՔԻԱՍՅԱՆ
Էս որ ամբողջ օրը բանակից ու գեներալներից բամբասումա:
Խմդրում եմ իրեն հարց տվեք: Կան իրեն հավատարիմ գեներալներ իր թիմի անդմա:
Օրինակ Վաղարշակ Հարությունյանը որ ամբողջ օրը պատմում էր թե Քոչարյանը Մեղրին տալիս էր ինքը չթողեց:
Գագիկ Մելքոնյանը:
Ինչին Վաղոյին կամ Գագոյին չի նշանակել ՊԲ հրամանատար կամ Շուշիի պաշտպանության հրամանատար:
Ու ինչի Վաղոն ու Գագոն չեն մասնակցել պատերազմին որպես գեներալ:
Գագոն Քելբաջարից չգիտեմ որտեղից մենակ լայվեր անում Արման Բաբաջանյանի սայթի համար ու հեքիաթներ պատմում: