ՀՀ վարչապետ Նիկոլ Փաշինյանը Տավուշում դպրոցականների հետ հանդիպմանը խոսել է եկեղեցու մասին ու հանդես եկել մի շարք աղմկահարույց հայտարարություններով։
«Եթե եկեղեցին ուզում է քաղաքական գործունեություն ծավալել, Հայաստանը ժողովրդավարական երկիր է, կարող է նաև քաղաքական գործունեություն ծավալել, ոչ մի բան չի խանգարում, որ կուսակցություն ստեղծեն ու դրա շրջանակներում նաև քաղաքական գործունեություն ծավալեն, ինչը, կարծում եմ, ավելի ազնիվ կլինի եւ ընտրողների առաջ էլ, և այլ քաղաքական մրցակիցների հետ էլ կլինեն նույն հարթության վրա», – ասել է Փաշինյանը ու նշել, որ եկեղեցին չի կարող բարձր լինել պետությունից:
Մայր Աթոռի Դիվանապետ Արշակ արքեպիսկոպոս Խաչատրյանը պատասխանել է ՀՀ վարչապետ Նիկոլ Փաշինյանի հայտարությանը, որ եթե եկեղեցին ուզում է զբաղվել քաղաքականությամբ, թող կուսակցություն ստեղծի:
«Եթե ոմանք ուզում են եկեղեցագիտությամբ զբաղվել, կարող են փորձել ընդունվել Հոգևոր ճեմարան եթե, իհարկե, հաղթահարեն ընդունելության համար սահմանված կրթական շեմը և համոզիչ փաստարկներ ներկայացնեն առողջական բարվոք վիճակի վերաբերյալ»,- Sputnik Արմենիային ասել է նա։
