Ռուսական Рыбарь տելեգրամ ալիքը հրապարակել է հունիսի 15-ին տեղի ունեցած սադրանքի վերաբերյալ նոր տեսանյութ։ Ըստ ամբողջական տեսանյութի՝ ռուս խաղաղապահները Հագարի կամրջի վրա դրոշ տեղադրելու փորձի ժամանակ ոչ թե օգնում, այլ խանգարում են ադրբեջանցիներին:
Հիշեցնենք՝ ադրբեջանցի սահմանապահները սադրանքի էին դիմել և իրենց դրոշը տեղադրել ռուս խաղաղապահների վերահսկողության տակ գտնվող անցակետում։
Ադրբեջանի հարցերով փորձագետ Գառնիկ Դավթյանն անդրադառնալով այս տեսանյութին՝ ֆեյսբուքյան իր էջում գրել է․ «Ակնհայտ է, որ սկզբում ՌԴ խաղաղապահները առնվազն 2 անգամ վիճաբանության մեջ են մտնում, հրում ադրբեջանական զինվորներին (նաև հակառակը):
Ակնհայտ է, որ ՀՀ-ի կողմից բանակցողներ էին առկա՝ երևի սահմանապահ տղերքն էին: Այդ բանակցություններից հետո է տեղի ունենում ադրբեջանական դրոշի տեղադրում: Ինչո՞ւ եմ այդ պնդումը անում. բացի, որ «Рыбарь»–ն էր գրել դրա մասին, աջ անկյունում, երբ նայում ենք ժամանակին՝ բանակցություններ 12:06, իսկ տեղադրումը 12:15:
Կարդացեք նաև
Հիմա հարց՝ իհարկե հռետորական. արդյոք այս պրոցեսները համաձայնեցված չէր Հայաստանի ոչ հայկական կառավարության և Ադրբեջանի միջև»։
