2022թ. Ֆրանկոֆոնիայի գագաթնաժողովում Ալբանիան կանխել է «հակաադրբեջանական փաստաթղթի» ընդունումը: Այս մասին հայտարարել է Ադրբեջանի նախագահ Իլհամ Ալիևը Ալբանիայի իր գործընկեր Բայրամ Բեգայի հետ հանդիպմանը:
«Ես արդեն շնորհակալություն հայտնել եմ պարոն նախագահին և Ալբանիայի կառավարությանը նախորդ տարվա Ֆրանկոֆոնիայի գագաթնաժողովում Ադրբեջանին աջակցելու համար, որտեղ կազմակերպության անդամ-երկրներից մեկը փորձում էր հասնել եզրափակիչ փաստաթղթում հակաադրբեջանական բովանդակությամբ դրույթի ներառմանը և ընդունմանը: Հենց Ալբանիան է արգելափակել այդ փորձը»,- ասել է Ալիևը:
Նա շնորհակալություն է հայտնել Ալբանիայի նախագահին՝ այդ քայլն անվանելով որպես «բարեկամության, միջազգային իրավունքի, երկրի տարածքային ամբողջականության և ինքնիշխանության նկատմամբ ամուր հավատարմության ապացույց»:
«Այնպես որ, անգամ այնպիսի կազմակերպություններում, որտեղ Ադրբեջանը չի կարող իրեն պաշտպանել, մենք ունենք եղբայր, ինչպիսին Ալբանիան է, որը կարող է դա անել: Եվ մենք շատ երախտապարտ ենք դրա համար»,- ասել է Ալիևը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
