Մոլդովայում ընթացող ծանրամարտի Եվրոպայի պատանեկան առաջնությունում մրցավար Նազիկ Ավդալյանի հետ կապված միջադեպը թուրքական եւ ադրբեջանական զանգվածային լրատվամիջոցները հմտորեն օգտագործում են Հայաստանի դեմ հակաքարոզչություն իրականացնելու նպատակով։ Մարզաձեւի եվրոպական ֆեդերացիան արդեն Նազիկ Ավդալյանին տեղափոխել է պահեստային մրցավարների շարք։
Հայաստանի ծանրամարտի ֆեդերացիայի գլխավոր քարտուղար եւ ազգային հավաքականի գլխավոր մարզիչ Փաշիկ Ալավերդյանը Aravot.am-ին ասաց, որ Թուրքիայի ֆեդերացիան համացանցում տարածված տեսանյութը արդեն ուղարկել է նաեւ Ծանրամարտի միջազգային ֆեդերացիա։ «Ամենայն հավանականությամբ պատժամիջոց կկիրառվի Հայաստանի ֆեդերացիայի նկատմամբ ու դա կլինի այս տարվա մեջ արդեն երկրորդը։ Առաջինը, երբ միջազգային ֆեդերացիան մերժեց աշխարհի առաջնությունը Երեւանում անցկացնելու Հայաստանի հայտը»,-ասաց Փաշիկ Ալավերդյանը։
Աշոտ ՀԱԿՈԲՅԱՆ
Կեցցես Նազիկ ջան, դու արժանապատիվ հայ ես և շատ ճիշտ ես վարվել, մի փոքր անգամ չանհանգստանաս։ Նշանակություն չունի, որ պատժվել ես, դրանից քո վարկանիշն ավելի կբարձրանա։ Հայ տղամարդիկ քեզնից օրինակ պետք է վերցնեն։ Հիացած ենք քո նման հայ կնոջ տեսակով, որ բացահայտ արհամարում է թշնամուն։ Այդպիսին պետք է լինի պատիվ ունեցող հայը։ Շնորհակալություն։