Ֆուտբոլի Հայաստանի ազգային ընտրանին Եվրոպայի 2024 թվականի առաջնության որակավորման փուլում մրցակցի դաշտում հյուրընկալվեց Թուրքիայի հավաքականին եւ ոչ ոքի արեց 1։1 հաշվով։
Մեր տղաները դաշտի տերերի ակնկալելի մեծ ճնշումն առաջին խաղակեսում հաղթահարելուց հետո երկրորդ խաղակեսի հենց սկզբնամասում գեղեցիկ կոմբինացիա ձեռնարկեցին եւ Արտակ Դաշյանը 49-րդ րոպեին բացեց հաշիվը։
Առավելությունը հայ ֆուտբոլիստները պահպանեցին մինչեւ հանդիպման վերջին րոպեները։ Եվ երբ թվում էր, թե հաղթանակը գրեթե ապահովված է, դաշտի տերերին, այնուամենայնիվ, հաջողվեց 88-րդ րոպեին վերականգնել հավասարակշռությունը, ինչի հետեւանքով մեր թիմը վաստակեց շատ կարեւոր մեկ միավոր։
Հայաստանի ազգային հավաքականը հաջորդ խաղը կանցկացնի սեպտեմբերի 11-ին՝ Վազգեն Սարգսյանի անվան «Հանրապետական» ստադիոնում ընդունելով Խորվաթիայի հավաքականին։
Կարդացեք նաև
Աշոտ ՀԱԿՈԲՅԱՆ
