Այսօր Ավանում ՔՊ-ի նախընտրական քարոզարշավի ժամանակ քաղաքապետի թեկնածու Տիգրան Ավինյանը մոտեցավ բլոտ խաղացող բնակիչներին ու հարցրեց՝ ի՞նչ դժգոհություններ ունեք: Նրանք պատասխանեցին, որ դժգոհությունները սահմանից են ու առաջարկեցին՝ «ձեզ էլ բաժանե՞նք, խաղաք»: Ավինյանը չհրաժարվեց մի «օյին» խաղալու առաջարկից, բայց խաղաքարտերը ոնց որ լավը չէին: «Հրաչն ա բաժանել»,- արդարացան խաղացողներն ու շարունակեցին:
Այսպես «քյափը՝ 8», «խաչն էլ՝ ոչինչ», «ղոզը ի՞նչ եղավ՝ քյափն ա» զրույցներով բանը հասավ նրան, որ Ավինյանը կրեց, ավանցիներն արձագանքեցին. «Չէ, դու ուրեմն քաղաքապետի ընտրությունը կրեցիր»:
Հռիփսիմե ՋԵԲԵՋՅԱՆ
