Այսօր առավոտից «Մանդատ չունես» պաստառներով Երևանի քաղաքապետարանի դիմաց բողոքի ցույց էին անում «Բաբոն Տեր ա» կանանց նախաձեռնությունը և մի շարք այլ քաղաքացիական նախաձեռնություններ: Այդ պահին քաղաքապետարանում ընթանում էր Երևանի ավագանու անդրանիկ նիստը:
Ցուցարարները դեմ էին իշխող «Քաղաքացիական պայմանագիր» կուսակցության քաղաքապետի թեկնածու Տիգրան Ավինյանի առաջադրմանը՝ հայտարարելով, որ այսօրվա նիստով փորձում են լեգիտիմացնել նրա ընտրությունը։ Նրանք քաղաքական ուժերից պահանջում էին ցուցաբերել քաղաքական կամք ու հասունություն և չներկայանալ քաղաքապետի ընտրությունների նիստին:
Քաղաքական նախաձեռնության անդամները պահանջագիր-ծանուցումներ են ուղարկել Երևանի ավագանու ընտրություններին մասնակցած քաղաքական ուժերին՝ «Ազգային առաջընթաց» կուսակցության, «Մայր Հայաստան» դաշինքի և «Հանրային ձայն» կուսակցության բոլոր ընտրված ավագանու անդամներին անհատապես։
Չնայած քաղաքապետարանի դիմաց ընթացող բողոքի ցույցին՝ ավագանու նիստին մասնակցող ավագանու 37 անդամով քաղաքապետ ընտրվեց Տիգրան Ավինյանը:
Կարդացեք նաև
Լուսինե ՄԱՐԳԱՐՅԱՆ
