Լրահոս
Օրվա լրահոսը

«Գազպրոմ Արմենիա»-ն ԼՂ-ից տեղահանված 1300 ընտանիքի միանվագ ֆինանսական աջակցություն է հատկացրել

Նոյեմբեր 02,2023 13:45 Share
Աջակցեք aravot.am-ին

«Գազպրոմ Արմենիա» ՓԲԸ-ն որպես սոցիալական պատասխանատվությամբ ընկերություն նախաձեռնել է Լեռնային Ղարաբաղից տեղահանված հայրենակիցներին օժանդակելու ծրագիր, որն իրականացվել է երկու փուլով։

Ընկերությունը աջակցության համար դիմած արցախցի 1300 ընտանիքի հատկացրել է միանվագ ֆինանսական օգնություն՝ 100 000-ական դրամ յուրաքանչյուր ընտանիքի համար։

Ֆինանսական աջակցության ֆոնդը ձևավորվել էր «Գազպրոմ Արմենիա» ընկերության աշխատողների հանգանակություններից, ինչպես նաև Ընկերության աշխատողների արհեստակցական կազմակերպության կողմից հատկացված միջոցներից։

Ծրագրի առաջին փուլով՝ տեղահանված հայրենակիցներին օժանդակելու նպատակով, կեցավայրի վարձակալության և կոմունալ ծախսերի փոխհատուցում էր տրամադրվել 600 ընտանիքի։

Փոխհատուցումը նախատեսված է վեց ամիս ժամկետով, առաջնահերթությունը տրվել էր բազմանդամ և բազմազավակ ընտանիքներին։

Միաժամանակ «Գազպրոմ Արմենիա» ՓԲԸ-ն սեղմ ժամկետներում կազմակերպել էր Ընկերության հաշվեկշռում գտնվող «Կարին» հանգստյան տան ենթակառուցվածքների վերականգնումը ու շահագործումը՝ լրացուցիչ 45 տեղահանված ընտանիքների կացարաններով և կենցաղային անհրաժեշտ պայմաններով ապահովելու համար:

«Գազպրոմ Արմենիա» ՓԲԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: