Զոհված զինծառայողների ծնողների նկատմամբ 2022 թվականի սեպտեմբերի 21-ին Եռաբլուրում բռնություն գործադրելու գործը կվերաբացվի, եթե վերաքննիչ դատարանը մերժի դատախազության բողոքը։
Բռնություն գործադրած ոստիկանները նույնականացվեցին, սակայն 2 տարի գործը «քնացնելուց» հետո, երբ հանրությունը մոռացավ կատարվածի մասին, վարույթը կարճվեց` այդպես էլ որեւէ ոստիկանի մեղադրանք չառաջադրվեց։
Գործը կարճելու որոշումը ծնողների ներկայացուցիչ՝ փաստաբան Վահան Հովհաննիսյանի կողմից բողոքարկվել էր, եւ դատարանը բավարարել էր, վարույթն իրականացնող մարմնի վրա պարտավորություն դնելով՝ գործը կրկին քննել, եւ եթե դատախազությունը չբողոքարկի, ապա դատարանի վճիռն ուժի մեջ կմտնի։
Դատախազությունից փորձեցինք ճշտել, թե արդյոք պատրաստվո՞ւմ են բողոքարկել դատարանի որոշումը։ Մեզ փոխանցեցին, որ վերաքննիչ բողոքը երեկվա դրությամբ արդեն իսկ ներկայացվել է դատարան։
Կարդացեք նաև
Կորյուն ՍԻՄՈՆՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում: