Այսօր՝ փետրվարի 2-ին, կրակոցներ են հնչել Սյունիքի մարզում: Ժամը 12:20-ի սահմաններում ՀՀ Ներքին գործերի նախարարության Ոստիկանության Սյունիքի մարզային վարչությունում օպերատիվ տեղեկություններ են ստացվել, որ Գորիս քաղաքի ժողովրդին հայտնի Սրտաբանականի խաչմերուկում կրակոցներ են հնչել:
Ինչպես դեպքի վայրից հայտնում է ֆոտոլրագրող Գագիկ Շամշյանը, ոստիկանները պարզել են, որ նշված վայրից հրազենային վնասվածքներով 1 հոգի տեղափոխվել է «Գորիս» բժշկական կենտրոն։Նշված կենտրոնի մոտ պարեկները հայտնաբերել են մեկ այլ ավտոմեքենա, որի վրա նույնպես կան կրակոցի հետքեր։
Դեպքի փաստով Գորիսի քննչական բաժնում «սպանության փորձ» հատկանիշներով նախաձեռնվել է քրեական վարույթ։Դեպքի վայրում ոստիկանության Գորիսի բաժնի համայնքային ոստիկանության բաժանմունքի տեսուչ Աշոտ Վանյանը հայտնաբերել է ինքնաձիգ՝ 2 փամփուշտատուփով։ Պարզվել է, որ փամփուշտատուփերում կա մոտ 33 փամփուշտ։ Քննիչի հանձնարարականով BMW-ն տեղափոխվում է ոստիկանության Գորիսի բաժնի պահպանվող հատուկ տարածք։
Դեպքի վայրում հավաքված քաղաքացիները, ովքեր հրաժարվեցին տեսախցիկի առաջ խոսել, ասում էին, որ մասնակիցների մեջ է Սյունիքի նախկին մարզպետ Լիսկա մականվամբ Սուրիկ Խաչատրյանի եղբոր վարորդը, իսկ ոստիկանները մոտավորապես պարզել են վիրավորի ու կրակոցներ արձակողի ինքնությունը: Նախաքննության շահերից ելնելով այս պահին որոշ մանրամասներ չենք հրապարակում:
Կարդացեք նաև
Մանրամասները՝ սկզբնաղբյուր կայքում:
