«Երբ խոսում ենք պարտավորությունների մասին, այն պետք է դիտարկենք երկուստեք։ Ես պատահական չանդրադարձա 2022-ի սեպտեմբերի իրադարձություններին, երբ ՀՀ ինքնիշխան տարածքը ենթարկվեց ագրեսիայի, օկուպացվեցին ՀՀ ինքնիշխան տարածքներ, և այդ իրադարձություններից հետո է, որ ՀՀ-ն իր ռազմատեխնիկական համագործակցության ոլորտը դիվերսիֆիկացնելու խնդիր է դրել»,-հարցին՝ հայ-ֆրանսիական այս հարաբերությունները հակադրության մեջ չեն մտնո՞ւմ ՀՀ-ՌԴ մեր պարտավորություններին, նաև ՀԱՊԿ-ի շրջանակում մեր պարտավորություններին և արդյոք Իրանի տրամադրությունները ստուգե՞լ ենք, քանի որ այն աշխարհագրորեն ավելի մոտ է ՀՀ-ին, քան Ֆրանսիան, Ֆրանսիայի զինված ուժերի նախարար Սեբաստիեն Լըկորնյուի հետ համատեղ մամուլի ասուլիսի ժամանակ այսպես պատասխանեց ՀՀ ՊՆ նախարար Սուրեն Պապիկյանը։
Armenian Defense Minister Suren Papikyan and French Defense Minister Sebastien Lecornu gave a press conference at the RA Ministry of Defense
Նա փաստեց՝ Հայաստանի ինքնիշխան իրավունքն է, և ՀՀ-ն իրավասու է որոշել՝ ում հետ և ինչ աստիճանի համագործակցություն ունենալ․ «Սա բխում է ՀՀ-ի ժողովրդի շահերից և ՀՀ-ի պետական շահից։ Մենք այս հարցում հստակ ու պարզ ենք, անթաքույց։ Իրանի մասով կարող եմ ասել, որ, առաջին հերթին, հայ-ֆրանսիական համագործակցությունը հանուն ՀՀ-ի է և որևէ մեկի դեմ չէ։
Երկրորդ՝ կարծում եմ՝ մեր իրավունքն է համագործակցել և′ Ֆրանսիայի հետ, և′ Իրանի հետ, և դա ի գիտություն պետք է լինի բոլորին։ Մեր ֆրանսիացի գործընկերները, բնականաբար, հարգում են մեր համագործակցությունն այլ գործընկերների հետ, մեր իրանցի գործընկերները հարգում են մեր համագործակցությունն այլ գործընկերների հետ։ Կարծում եմ՝ նույնը մեր ռուսաստանցի գործընկերները պիտի անեն, քանի որ ՀՀ-ն չունի տաբուներ համագործակցելու ի շահ ՀՀ-ի։
Կրկնում եմ, սա միայն հանուն Հայաստանի և հանուն մեր տարածքային ամբողջականության է և որևէ երկրի դեմ ուղղված չէ։ Կարիք չկա՝ ինչ-որ մեկը մտահոգվի․ մտահոգվողը մենք պիտի լինենք, քանի որ դա վերաբերում է մեր շահին»։
Կարդացեք նաև
Տաթև ՀԱՐՈՒԹՅՈՒՆՅԱՆ
