Գործադիրն այսօր հաստատեց Եղիազար Վարդանյանին Քաղաքաշինության կոմիտեի նախագահի պաշտոնում նշանակելու մասին որոշումը։
Հիշեցնենք, որ այս տարվա հունվարից կոմիտեի նախագահի պաշտոնը թափուր էր։ Կոմիտեի նախկին նախագահ Արմեն Ղուլարյանն ազատվեց պաշտոնից այս տարվա հունվարին, վարչապետի Լոռու մարզի Վարդաբլուրի դպրոցի շինաշխատանքներին ծանոթանալուց հետո, երբ Փաշինյանը դժգոհություն հայտնեց դպրոցաշինությունից։
Վարդանյանը մինչ այս պաշտոնին նշանակվելը Ճարտարապետության եւ շինարարության ազգային համալսարանի ռեկտորն էր։
«Ուզում եմ շնորհակալություն հայտնել վարչապետին` իմ նկատմամբ դրսեւորած, ցուցաբերած բարձր վստահության համար, եւ համոզմունք հայտնել, որ համագործակցելով կառավարության գործընկերների, Ազգային ժողովի գործընկերների, ոլորտի ճարտարապետների, շինարարների, կառուցապատողների հետ կկարողանանք որոշ ժամանակ հետո արձանագրել հարազատ մասնագիտական ոլորտում առաջընթաց եւ կիրականացնենք այն ծրագրերը, որոնք նախանշված են կառավարության ծրագրում»,-այսօր նշանակումից հետո ասաց Վարդանյանը։
Կարդացեք նաև
Նելլի ԲԱԲԱՅԱՆ
