Երեւանի քրեական դատարանի «Կենտրոն» նստավայրում այսօր շարունակվեց «ՎԵՏՕ» շարժման հիմնադիր Նարեկ Մալյանի գործով դատական նիստը:
Նիստը նախագահող դատավոր Սուսաննա Գզոգյանը որոշեց Մալյանին մեղավոր ճանաչել ՀՀ Քր օրենսգրքի 329 հոդվածի 2-րդ մասին 3-րդ կետով նախատեսված արարքի կատարման մեջ, նրա նկատմամբ կիրառված խափանման միջոցը թողնել անփոփոխ:
Դատարանը անցավ նաեւ լրացուցիչ դատալսումների:
Պատժի վերաբերյալ մեղադրող դատախազը հայտնեց իր դիրքորոշումը՝ ասելով, որ հաշվի առնելով քրեական գործում մեղադրյալին բնութագրող տվյալները՝ միջնորդեց նրա նկատմամբ նշանակել ազատազրկում 3 տարի երեք ամիս ժամկետով: Պաշտպանական կողմից փաստաբան Տիգրան Աթանեսյանն ասաց՝ 4 տարի նշանակեք, մեզ մեկ է այս ամեն ինչը:
Կարդացեք նաև
Մեղադրող դատախազը նաեւ միջնորդեց գանձել մեղադրյալից փորձաքննությունների կատարման արժեքը: Աթանեսյանն ասաց՝ 100.000 դրամ էլ ավելի կարելի է վճարել:
Դատարանը հեռացավ դատավճիռ կայացնելու, որը կհրապարակվի այսօր:
