«Հայրենիքի պաշտպանությունը բնակլիմայական պայմանների հետ կապ չունի, մենք էլ ունենք մեր գործը, մեր անելիքը»,- լրագրողների հետ զրույցում ասաց ԱԺ պատգամավոր Գառնիկ Դանիելյանը՝ բոլորին կոչ անելով միանալ հավաքին: «Այն գործողությունները, որ իրականացնում է Փաշինյանը, սկուտեղի վրա Տավուշ աշխարհի մատուցումն է ադրբեջանցիներին»,-հավելեց Գառնիկ Դանիելյանը:
Նրա ձեւակերպմամբ, Փաշինյանն այս օրերին բազմաթիվ հրահանգներ է ստացել Ադրբեջանի իշխանություններից, ինչի մասին են վկայում ձերբակալություններն ու ապօրինությունները վերջին օրերին: «Հրահանգ է իջեցվել օկուպացիոն ռեժիմին, որպեսզի բիրտ ուժի կիրառմամբ համաժողովրդական շարժումը կասեցնեն, բայց մեր ոգին անկոտրում է, գիտենք՝ ինչի համար ենք պայքարում… Որեւէ բռնություն կամ սպառնալիք չի կարող մեզ հետ պահել սրբազան պայքարից»,-ասաց նա:
Գոհար ՀԱԿՈԲՅԱՆ
