«Ես գիտեմ՝ ինքը հայ չի: Իր ազգին փոքրացրեց, սարքեց մի փոքր նշան, որ էդ բրոշը տեղավորվի իր դոշին: Չի՞ ամաչում՝ գյուղերով ու քաղաքներով պտտվում է, էդ բրոշներն է բաժանում: Սրտիկներ է անում, բա լուրջ տղամարդը սրտիկնե՞ր կանի առավոտ շուտ, սրտիկներով է մարդկանց բարեւում: Լուրջ տղամարդը սրտիկներ չի ուղարկի»,- այսօր Հակակոռուպցիոն դատարանի շենքի բակում լրագրողների հետ զրույցում ասաց «Ուժեղ Հայաստան» կուսակցության առաջնորդ Սամվել Կարապետյանի աջակիցներից մեկը:
Անդրադառնալով Փաշինյանի հավաստիացումներին, թե խաղաղություն է բերել, Կարապետյանի աջակիցն ասաց՝ հենց ասում է խաղաղություն, անում է ճիշտ հակառակը: Ըստ նրա՝ Փաշինյանը 4 պատերազմ է բերել:
Ինչ վերաբերում է Փաշինյանի մեկ այլ հավաստիացմանը, թե ինքը չլինի, սեպտեմբերին պատերազմ կսկսի, Կարապետյանի աջակիցը վստահեցրեց՝ պատահական չի, որ շեշտում է սեպտեմբերը. «Քրոջս հետ եմ խոսում, վախի մեջ է: Ասում է՝ մտել են հիմնարկ, ասել են, Փաշինյանին չպաշտպանեք, դուք դիակ եք»:
Կարդացեք նաև
Արփինե ՍԻՄՈՆՅԱՆ
