Երբ ես ստանձնեցի Մարդու իրավունքների պաշտպանի պաշտոնը, ինստիտուտի հեղինակությունը հանրային ընկալման տեսանկյունից բավականին ցածր էր, սակայն պաշտոնավարման ավարտին անկախ հեղինակավոր հետազոտությունների՝ այդ թվում «Կովկասյան բարոմետր»-ի և IRI-ի տվյալներով, հանրային վստահությունը հասել էր 81 տոկոսի. այս մասին «Միասնության թևեր» քաղաքական նախաձեռնության ղեկավար Արման Թաթոյանը խոսել է երիտասարդների հետ «Ռեստարտ» հիմնադրամի կազմակերպած «Ռեֆորում 2026» ծրագրի շրջանակներում։
Նա նաև նշել է, որ այս արդյունքը ձեռք էր բերվել հետևողական, շուրջօրյա աշխատանքի, նվիրվածության և սկզբունքային դիրքորոշման շնորհիվ։
