Բրազիլիայում անցկացված բռնցքամարտի աշխարհի գավաթի խաղարկությունը Հայաստանի հավաքականն ավարտեց մեկ արծաթե մեդալով։ Այն նվաճեց գերծանր քաշային Դավիթ Չալոյանը, թեեւ հաղթանակը պետք է շնորհվեր գյումրեցի մարզիկին։
Աշխարհի գավաթի խաղարկության մենամարտերը լուսաբանելիս հաճախ էինք ի վնաս մեր բռնցքամարտիկների խիստ կողմնակալ մրցավարության մասին տեղեկություններ ստանում, ինչի հետեւանքով մեր բռնցքամարտիկներից մի քանիսը զրկվել են մեդալներից: Եվ ահա վերջին տեղեկությունը. Հայաստանի բռնցքամարտի ֆեդերացիան նախագահ Հովհաննես Հովսեփյանի գլխավորությամբ բողոք է ներկայացրել World Boxing եւ հետամուտ է լինելու, որպեսզի մրցավարական անարդար որոշումները հետաքննվեն եւ մեղավորները պատժվեն։
Աշոտ ՀԱԿՈԲՅԱՆ
