ՀՀ-ն թողարկելու է «Հայկական աշխարհի պարտատոմսեր», ինչը միլիարդավոր դոլարների ներդրում կապահովի Հայաստան․ այսօր կայացած մամուլի ասուլիսում հայտարարեց ԲՀԿ անդամ, «Առաջարկ Հայաստանին» միավորման նախընտրական ցուցակում ընդգրկված Արման Աբովյանը՝ հավելելով, որ աշխարհով մեկ սփռված 12 միլիոն հայերը որակ են, եւ չի կարելի միասնական սփյուռքը դիտարկել լոկ մարդկային ռեսուրս։
ԲՀԿ-ն այսօր ներկայացնում էր «Առաջարկ Հայաստանին» միավորման նախընտրական ծրագիրը։
«Ո՞ւմ կոկորդին էինք կանգնած, ո՞վ էր տասնամյակներ ի վեր ջանքեր թափում, որ կեղեքի, քանդ ու քարափ անի միասնական հայկական աշխարհը։ Այո՝ Թուրքիան, այո՝ Ադրբեջանը։ Ամբողջ աշխարհում մենք բոլորս՝ հայերս ռազմավարական խորությունն ենք ՀՀ-ի անվտանգության համար, Հայաստանի զարգացման համար, տնտեսական վերելքի համար։ Ի վերջո, ՀՀ-ի եւ հայկական աշխարհի գոյության համար»։
Իր նախընտրական ծրագրի՝ երիտասարդությանը նվիրված հատվածում էլ ԲՀԿ-ն առաջարկում է սփյուռքի երիտասարդ մասնագետներին Հայաստան ներգրավելու նպատակով ստեղծել Սփյուռքի տաղանդների եւ գիտելիքի փոխանցման ցանց․ դա կլինի միջազգային հարթակ, որը Սփյուռքի երիտասարդներին կկապի Հայաստանում իրականացվող գիտակրթական, տեխնոլոգիական, սոցիալական, մշակութային եւ այլ ծրագրերին։ ԲՀԿ-ն առաջարկում է պետական մակարդակով ստեղծել նաեւ վերադարձի աջակցության փաթեթ, որի մեջ ներառվելու է նաեւ բնակարանային ապահովման ծրագիր։
Կարդացեք նաև
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
