Այսօր Գյումրու դրամատիկական թատրոնի շենքի դահլիճում «Ուժեղ Հայաստան» կուսակցության ներկայացուցիչների հետ հանդիպման ժամանակ ձայն խնդրեց Սեդրակ Հարությունյանը՝ ներկայանալով որպես քրիստոնյա։
«Մեր օրերում պարտադիր է նշել քրիստոնյա լինելը»,- ասաց նա։
«Ուժեղ Հայաստան» կուսակցության Գյումրու աշխատանքները համակարգող փաստաբան Ռուբեն Մխիթարյանը, ներողություն խնդրելով, ընդհատեց` ներկայացնելով, թե ով է Սեդրակ Հարությունյանին։
Նա ասաց. «Հերոսի հայր է»։ Դահլիճը թնդաց ծափահարություններից, ներկաները մի մարդու պես ոտքի կանգնեցին։
Կարդացեք նաև
Սեդրակ Հարությունյանը Նարեկ Կարապետյանին մի խնդրանք ուներ․ «Պարոն Կարապետյան, ուզում եմ ամսի 7-ին հուսախաբ չանեք, ուզում եմ ձեզ ծափահարեմ, վրեժս ու ցասումս տեսնեմ»։
Դահլիճում նստածները հուզվեցին, Նարեկ Կարապետյանն ասաց․ «Մեզանից ինչ կախված է այս պայքարի մեջ, պատրաստ ենք անելու, մենք մերը կանենք, կարծում եմ մեր ժողովուրդն էլ իրենը կանի»։
Նունե ԱՐԵՎՇԱՏՅԱՆ
