Դեպքի մասին առաջին անգամ տեղեկացել եմ, երբ այն հանրայնացվել է․ խորհրդարանում հայտարարեց ՀՀ գլխավոր դատախազ Աննա Վարդապետյանը։
«Հայաստան» խմբակցության պատգամավոր Քրիստինե Վարդանյանն էր գլխավոր դատախազից հետաքրքրվել՝ Վեդու մանկապղծության դեպքով ինչո՞ւ մինչ օրս կալանքներ չկան։
Badoyan News-ն էր օրեր առաջ ահազանգել՝ Վեդիում մանկապղծության դեպք է եղել, իրավապահները կոծկում են զարհուրելի դեպքը, լիարժեք քննություն չի տարվում: Երեխաների հորեղբայրն է բռնարարներից մեկին դանակահարում, այսինքն՝ Ներքին գործերի նախարարության, Քննչականի անգործության հետևանքով հարցը վենդետային է հասել:
Սեռական բռնության մասին ահազանգած դեռահաս աղջիկների փաստաբան Վարդուհի Էլբակյանը փոխանցել էր՝ անչափահաս քույրերից մեկն առերեսվել է Վեդիի բնակիչ երկու տղամարդկանց հետ և հաստատել է՝ տղամարդկանց կողմից ենթարկվել է սեռական բռնության, չնայած սրան՝ տղամարդիկ ազատության մեջ են, ունեն վկայի կարգավիճակ:
Կարդացեք նաև
«Վարույթը գտնվում է գլխավոր դատախազության ուշադրության ներքո։ Շատ շուտով խափանման միջոցի մասով ձեր հարցադրումը դուրս կգա, մենք նման դեպքերով ավելի խիստ խափանման միջոցների ենք գնում, որովհետեւ շատ դեպքերում այս արարքները կատարվում են ազատազրկման վայրերից»,- ասաց Աննա Վարդապետյանը՝ հավելելով, որ այս դեպքերի տարածումը չեն խրախուսում, որպեսզի «կրկնակի զոհականացում տեղի չունենա»։
Գլխավոր դատախազը հայտարարեց․ «Ունենք դեպքեր, որի մասին դուք չգիտեք, որ անձինք գործել են ՔԿՀ-ից եւ ստացված դրամական միջոցները կոնվերտացրել են այլ անձանց միջոցով»։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
