«Մենք ողջունում ենք Հայաստանի`դեպի ԵՄ որդեգրած ուղին։ Ինչպես ձեր վարչապետն է ասում՝ արդյոք կդառնաք ԵՄ անդամ, թե ոչ, դա այլ հարց է, բայց բարեփոխումների ուղին հրաշալի գործընթաց է»,-«Երևանյան երկխոսություն» միջազգային երրորդ համաժողովի Եվրոպան իշխանության և գերիշխանության նոր ձևերի միջև» թեմայով պանելային քննարկման ժամանակ նշեց Լատվիայի ԱԳ նախարար Բայբա Բրաժեն։
Խոսելով հայ-լատվիական խոր բարեկամության մասին, հիշատակելով նաև լատիշ բանաստեղծների՝ ՀՀ-ի նկատմամբ հետաքրքրությունն ու հիացմունքը՝ Լատվիայի ԱԳ նախարարը տեղեկացրեց, որ վաղը Լատվիայի նախագահը կայցելի Հայաստան, հունիսից «Էյր Բալթիկ»-ը կսկսի ուղիղ չվերթները, ակտիվ տնտեսական համագործակցություն է ընթանում։
Լատվիայի՝ ԵՄ ինտեգրման փորձի մասին էլ ասաց․ «Լատվիան ԵՄ անդամ է 2004-ից։ Մենք, երբ որոշեցինք ԵՄ-ին միանալ, սկսեցին մի գործընթաց, որը հիմնովին փոխեց մեր երկիրը։ ԵՄ-ին անդամակցելու գործընթացը բավականին երկար տևեց։ Այն բարեփոխումները, որոնցով անցանք, մեր երկիրն ավելի ուժեղ, դիմակայուն և ավելի բարգավաճ դարձրեց»։
Կարդացեք նաև
«Երևանյան երկխոսություն» միջազգային երրորդ համաժողովն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Լուսանկարը՝ «Երևանյան երկխոսություն» միջազգային երրորդ համաժողովի ֆեյսբուքյան էջից
