Արցախցի իրավապաշտպան Ռոման Երիցյանը շտապ կարգով մտել է ուղիղ եթեր և հայտարարել, որ իրեն զանգահարել են արցախցի քաղաքական գործիչ Արթուր Օսիպյանի հարազատները և տեղեկացրել, որ վերջինը ձերբակալվել է։
«Նրա գտնվելու վայրի մասին որևէ տվյալ չունեն։ Հեռախոսներն անջատված են, իսկ ֆեյսբուքյան էջն էլ, որտեղ վերջինս, մանավանդ վերջերս, ակտիվորեն քննադատում է Նիկոլ Փաշինյանին, ընդհանրապես հեռացվել է համացանցից։
Հիշեցնում եմ, որ այսօր միջադեպ է տեղի ունեցել Արթուր Օսիպյանի և Նիկոլ Փաշինյանի միջև, որտեղ Արթուր Օսիպյանը Արաբկիր վարչական շրջանում ակտիվորեն քննադատել է Նիկոլ Փաշինյանին, որից հետո նրան ուղղակի քաշելով հեռացրել են Փաշինյանի մոտակայքից, իսկ դրանից հետո էլ Փաշինյանը հրապարակային հայտարարել է, որ Արթուր Օսիպյանը և նրա նմանները պետք է զոհվեին պատերազմի ընթացքում։ Այնուհետև, իրեն թույլ է տվել նաև ավելի կոշտ արտահայտություններ, ես մեկնաբանություններում կտեղադրեմ համապատասխան տեսագրությունները, որից հետո, կրկնում եմ, Արթուր Օսիպյանին ձերբակալել են։
Այս պահի դրությամբ նրա գտնվելու կամ նրա դատավարական կարգավիճակի մասին որևէ տվյալ չունենք։ Քիչ հետո հանդես կգամ համապատասխան հայտարարությամբ»,- ահազանգել է իրավապաշտպան Ռոման Երիցյանը։
Կարդացեք նաև
Աշոտ ՀԱԿՈԲՅԱՆ
