«Սուտ է այն պնդումը, և այդ մոտեցումն անհասկացության արդյունք է, որ հանրությունը պահանջում է, որ ընդդիմությունը մանդատները չվերցնի։ Կամ՝ հանրությունը պահանջում է, որ ընդդիմությունը մանդատները վերցնի։ Նման օրակարգ, նման հարց ընդհանրապես գոյություն չունի։ Հանրությունը պահանջում է իշխանափոխություն։ Հանրությունը Նիկոլ Փաշինյանից պահանջում է, որ ինքը հեռանա, իսկ ընդդիմությունից պահանջում է, որ այդ հեռացումը կազմակերպի»,- դատարանի բակում լրագրողների հետ զրույցում ասաց հասարակական գործիչ, ՎԵՏՕ շարժման ղեկավար Նարեկ Մալյանը։
Իր կարծիքով՝ մանդատները վերցնելն էլ, չվերցնելն էլ պետք է հստակ օրակարգով զուգորդվեն։
Նարեկ Մալյանի համար միանգամայն սպասելի էր, որ վերարտադրությունից հետո Նիկոլ Փաշինյանը ռեպրեսիաների է գնալու։ Բայց նույնիսկ ինքն է մի փոքր զարմացած բռնաճնշումների այսպիսի մեծ ծավալից և տրամաբանությունից՝ «ոչ մի բանի համար» մարդկանց ձերբակալել-կալանավորելուց. «Դա հետևանք է հինգ տարի Նիկոլ Փաշինյանի օրակարգով ապրելու, հինգ տարի պարապ նստելու»։
Ըստ նրա՝ խորհրդարանում հայտնված ընդդիմությանն ծանր ժառանգություն է հասել. ««Հայաստան» դաշինքի անգործության պատճառով բաժին է հասել հասարակական անվստահության բեռը և չափազանց ուժեղացած իշխանություն։ 2018 թվականին բունկերներից ճղճղացող իշխանությունն արդեն կենտրոնացված է, իր շոշափուկները խրել է բոլոր պետական համակարգերում, ցանկացած ապօրինության դիմում է և անգամ իր ամենավատ նպատակներն ընդհանրապես քողարկելու խնդիր չունի»։
Կարդացեք նաև
Մանրամասները՝ տեսանյութում։
Ամբողջական տեսանյութը՝ այստեղ։
Նելլի ԳՐԻԳՈՐՅԱՆ
