Sevan Startup Summit 2026-ի ավարտին մնացել է ընդամենը մի քանի օր։ Հուլիսի 26-ից մեկնարկած գագաթնաժողովը շարունակում է համախմբել հիմնադիրների, միջազգային մենթորների, ներդրողների և նորարարների՝ ծառայելով որպես ակտիվ հարթակ համագործակցության, փորձի փոխանակման և ներդրումային հնարավորությունների ստեղծման համար։
Միջոցառման ընթացքում Հայաստանում ԵՄ պատվիրակության համագործակցության բաժնի ղեկավար Ֆրանկ Հեսսը խոսեց Հայաստանի նորարարական էկոհամակարգի զարգացման և Հայաստանում ու Հայաստանից դուրս երիտասարդ ձեռներեցների հնարավորությունների ընդլայնման գործում գագաթնաժողովի կարևոր դերի մասին։ Նա ընդգծեց, որ հենց այդ է պատճառը, թե ինչու է Եվրոպական միությունը հպարտությամբ աջակցում այս նախաձեռնությանը։
Եվրոպական միությունն աջակցում է Հայաստանին՝ կառուցելու ավելի բազմազան, նորարար և ներառական տնտեսություն, որը կստեղծի ավելի մեծ հնարավորություններ ապրելու, աշխատելու և նորարար լինելու համար։
«Որպես ուժեղ ձեռնարկատիրական ոգով փոքր և բաց տնտեսություն, Հայաստանը պետք է շարունակի մրցակցել համաշխարհային շուկաներում՝ առաջարկելով բարձրորակ և առանձնահատուկ արտադրանք։ Դրա համար անհրաժեշտ են ներդրումներ կրթության, տեղեկատվական տեխնոլոգիաների, նորարարության և գիտահետազոտական ոլորտներում»,– նշել է Ֆրանկ Հեսսը։
Կարդացեք նաև
ՀՀ-ում ԵՄ մշտական ներկայացուցչություն
