ԲՀԿ առաջնորդ Գագիկ Ծառուկյանի աշխատակիցներն այսօր տարբեր պետական մարմիններով շրջելով՝ այդպես էլ հստակ պատասխան չստացան, թե իրենց հիմնարկները երբ են վերաբացվելու, երբ են սկսելու նորից աշխատել։
Նրանց հանդիպումը ՀՀ քննչական կոմիտեի տնտեսական հանցագործությունների և մաքսանենգությունների քննության գլխավոր վարչության պետի տեղակալ Աշոտ Ժամկոչյանի հետ նույնպես աշխատակիցների համար արդյունավետ չեղավ։
Ծաղկաձորի «Ռոյալ Սքայ» ռեստորանի տնօրեն Արմինե Դավթյանը լրագրողներին ասաց, որ ևս երկու օր են սպասելու, և եթե իրենց հիմնարկները չբացվեն, իրենք վրաններով քննչական մարմնի և կառավարության շենքերի առջև նստացույց կսկսեն։ Դավթյանի խոսքով՝ նստացույցեր, հացադուլներ և նմանատիպ ակցիաներ են անցկացնելու. «Սոված, ագրեսիվ մարդիկ ենք դառնալու, հեղեղենք փողոցները»։
Կարդացեք նաև
Նրա խոսքով՝ իրենք մնում են այն կարծիքին, որ այս ամենը քաղաքական ենթատեքստ ունի. «Իմ կարծիքով, մինչև պարոն Ծառուկյանի մասով հստակ որոշում չլինի, մեր հիմնարկները չեն բացվի»։
Դավթյանն ասաց, որ այսօրվա ակցիային մասնակցել են 5-6 ձեռնարկության աշխատակիցներ, բայց եթե որոշեն լուրջ ակցիաներ անել, ապա մեծաթիվ աշխատակիցներ կհավաքվեն. «Մենք հենց այնպես չենք ասում, որ 12.000 մարդ սոված է, այսօր չի աշխատում։ Իսկապես այդպես է»։
Լրագրողի դիտարկմանը, թե այսօր հայտարարվեց, որ «Արարատ» գինու, օղու, կոնյակի կոմբինատն արդեն նոր կառավարիչ ունի, չե՞ք կարծում, որ նույն ճակատագիրն է սպասվում նաև ձեր ընկերություններին, Դավթյանը պատասխանեց. «Ի՞նչ հիմքերով։ Այդպես ո՞նց կլինի։ Ինչ-որ մեկը կարո՞ղ է գա իմ տունը պետականացնի, ասի՝ դուրս արի, արդեն պետականացվե՞լ է։ Աբսուրդ է»։
Արփինե ՍԻՄՈՆՅԱՆ
https://haytougchamlian.blog/wp-content/uploads/2026/08/DodiPash.png
https://haytougchamlian.blog/թուղթ-առ-ծառուկյան/
հատուած՝
« Նիկոլ Փաշինյանի եւ Գագիկ Ծառուկյանի միջեւ, ի սկզբանէ, հաստատուեցաւ բացայայտ համաձայնութիւն: Նոյնիսկ, կարգին bromance:
(…)
Վերեւ պարզուած տարրական եւ անհերքելի տուեալների լոյսին տակ, հիմա, այժմու վարչակարգի իսկական ընդդիմադիրը, ողջամիտ քննադատը, անշահագրգիռ եւ հարազատ դիմադրողը, ինչպէ՞ս կարող է կարեկցութիւն ունենալ Ծառուկյանին եւ ԱԺ-ում նրա կուսակցութեան, ԲՀԿի պատգամաւորների նկատմամբ: Կամ, ինչո՞ւ պիտի նպաստէ վերոգրեալ այդ մակերեսային, երեւութական պատկերացումներին, սուտերուն ու կեղծիքին յաւելեալ տարածման, թէ՝ Հայաստանի մէջ, իբրեւ թէ ընդդիմութիւն կայ որ այժմ հալածւում է, արդէն գոյութիւն չունեցող ժողովրդավարութեան անկում կայ, Օրէնքի Գերակայութեան երեւակայական գոյութեան նկատմամբ ոտնձգութիւններ տեղի կ’ունենան, եւ այսպիսի հեքիաթներ…
«Օ՛խ եղաւ»-էն զատ, ուրիշ բան չկայ ասելիք:
Մ. Հայդուկ Շամլեան – 17 Յունիս 2020